《緣份》
今日去了醫院附近一間餐廳食lunch。以前成日去，不過近年都冇去，原因主要是食物大不如前，而且不是黃店。
在這裏，我重遇了一位病人。
「阿雲」五十歲左右，食煙，有高血壓，做餐廳侍應。大概一兩年前，佢開工時突然心口劇痛，上壓超過二百幾度，做完CT後確診「大動脈血管撕裂」，情況十分嚴重，最後轉去心胸肺外科做了個大手術。
由叫食物，送餐，收碟，我地都冇乜眼神交流。到我離開時，終於忍唔住職業病上身，走去細細聲問佢：
「喂！你有冇食血壓藥呀？」
「有呀....有呀.....上一次.....真係唔該晒你。」
「得啦。有冇度住血壓？」
「有呀...有呀.....最近去覆診，情況都穩定。」
「咁你戒咗煙未呀？」
「呢個...未呀....未呀..... 已經食少咗。」
自己都覺得煩膠，諗住走，跟住佢話：
「我做埋呢個月就辭職了，想休息一排，上次真係唔該晒你。」
可能係緣份，真係好開心，見到佢仲生勾勾（不過仲食煙囉）。
Appreciate the little things in life.
Search